«Arsenal» bosh murabbiyi Arsen Venger jamoada yana ikki yil ishlamoqchi yekanini klubga ma'lum qilgan.
Daily Mail xabariga ko'ra, 67 yoshli mutaxassis klub rahbariyati bilan uchrashgan va shartnomasini yana ikki yilga uzaytirmoqchi yekanini aytgan.
Rahbariyat mutaxassisga javob qaytarmagan, ammo APLning 30-turida «Manchester Siti»ga qarshi kechadigan uchrashuv ko'p narsaga oydinlik kiritishi mumkinligi aytilmoqda.
«Arsenal» ayni vaqtda 27 o'yindan keyin 50 ochko jamg'argan holda Angliya chempionatida 6-o'rinda bormoqda.
Londonliklar YeChLning nimchorak finalida «Bavariya»ga qarshi ikki o'yinni ham 1:5 hisoblarida boy bergach, jamoani 1996 yildan buyon boshqarib kelayotgan murabbiy iste'foga chiqishi haqida xabarlar tarqalgandi.
Uning jamoada qolishi haqida jamoaning sobiq futbolchisi Rober Pires fikr bildirib o'tgan.
«Arsen taklifga yega. Uni klub prezidenti qo'llab-quvvatlaydi. Menimcha u shartnomani uzaytirishi kerak. Agar u shunga qaror qilgan bo'lsa, ba'zi narsalarni o'zgartirish kerak. Menimcha u shartnomani kamida bir yilga uzaytiradi. U ishlashni istamoqda», - degan Pires Cadena SER radiosi orqali.
Bosh sahifaga
319