O'zbekiston chempionatining 4-turidan o'rin olgan «Obod» – «Bunyodkor» jamoalari uchrashuvidan (1:1) keyin mezbonlar ustozi Rauf Inileev o'zining fikrlari bilan o'rtoqlashdi.
«Derbi o'z nomiga mos ravishda shiddatli o'tdi. Raqibimiz O'zbekistonning eng kuchli klublaridan biri edi. O'ylaymanki, ularga munosib qarshilik ko'rsatdik. Ikkala jamoa ham yaxshi o'yin ko'rsatdi. Bugun biz ham, «Bunyodkor» ham yutib ketishi mumkin edi.
«Obod» o'tgan yili oliy liga debyutanti edi. Shu boisdan ham jamoaga bir muncha osonroq bo'lgandi. Bu yil esa ko'pchilik «Obod» bilan ham hisoblashish kerakligini tushunib etmoqda. «Obod»da xarakter bor. «Obod» qarshi hujumlarga tez o'tadigan jamoa. Chunki tezkor futbolchilar etarlicha. Biroq endi to'p yo'qotilganda hujumdan himoyaga tez o'tishni ham o'zlashtirishimiz kerak», - deya Rauf Inileevning so'zlarini keltiradi «Bunyodkor» rasmiy sayti.