Oliy liganing 4-turidan o'rin olgan «Nasaf» va «So'g'diyona» jamoalari uchrashuvidan (4:0) keyin «So'g'diyona» bosh murabbiyi Davron Fayziev o'yin haqidagi fikrlari bilan o'rtoqlashdi.
«Nasaf» kabi jamoalar bizga o'xshagan raqiblarning xatosini hech qachon kechirmaydi. Bugun o'z jamoamni taniy olmadim. O'yinda faqat bir jamoa ko'rindi — «Nasaf». Xatolar juda ko'payib ketdi. Xatolarning ustida ko'p ishlashimiz kerak. Uchrashuvdan oldin shogirdlarimga qo'rqmasdan o'ynash kerakligini ta'kidlagandim. Ammo buni eplay olmadik «Nasaf» bugun haqqoniy g'alabaga erishdi. Ularni tabriklayman.
Avvalgi uchrashuvlarda Mamadaliev va Qobilovning harakatlari ma'qul kelgani bois, bugun ularni tarkibga kiritgandim. Mahmudov va Abdurahmonovlar ham tajribali o'yinchilar hisoblanadi.Ularni ikkinchi bo'limda maydonga tushirib, o'yinni kuchaytirishni ko'zlagan edim. Lekin o'ylagan rejalarimiz amalga oshmadi» - degan Fayziev.
Bosh sahifaga
172