O'zbekiston chempionatining 4-turidan o'rin olgan uchrashuvlardan birida «Navbahor» Samarqandning «Dinamo» klubi mehmoni bo'ladi.
Turnir jadvali
O'tgan mavsumni birinchi ligada o'tkazib yana oliy ligaga qaytgan «Dinamo» jamoasi dastlabki uchta uchrashuvda yuz foizli natija qayd etgan holda musobaqa jadvalida peshqadamlik qilayotgandi. Mezbonlar navbatdagi turda ham zafarli yurishlarini davom ettirishga urinib ko'rishadi. «Navbahor» esa uchta o'yinda to'rt ochko jamg'argan.
O'zaro o'yinlar
Ikki raqib oliy ligada o'zaro 44 bor to'qnash kelishgan. 23 uchrashuvda namanganliklar g'alabani qo'lga kiritgan. Samarqandliklar hisobidagi g'alabalar soni esa 13 tani tashkil etmoqda. Sakkizta uchrashuvda tomonlar murosa ko'chasini tanlashgan. To'plar nisbatidagi ko'rsatkich esa 80:41 — «Navbahor» foydasiga.
Qiziqarli faktlar
O'zaro uchrashuvlarda gol kiritish borasida «Navbahor»da to'p surgan Shuhrat Mirxoldirshoevning etakchilik saqlab qolayotganini ko'rishimiz mumkin. Mirxoldirshoev 2000 yildan 2009 yilga qadar samarqandliklar darvozasini 8 bor ishg'ol qilgan.
«Lochinlar»ning ushbu raqib ustidan erishgan eng yirik g'alabasi 1997 yili qayd etilgan. 20 yil avval «Navbahor» o'z maydonida «Dinamo»ni 7:1 hisobida tor-mor etgan. E'tiborlisi, «Dinamo» shu paytga qadar biror marotaba ham «lochinlar»ni yirik hisobda taslim eta olmagan.
«Navbahor» so'nggi 11 uchrashuvda Samarqanda bor-yo'g'i bir marotaba g'alaba qozongan. So'nggi marta jamoa Samarqanddan 2011 yili g'alaba bilan qaytishgan. Olti yil avval Ro'zim Ahmedovning yagona goli jamoaga safarda uch ochkoni taqdim etgan.
Leonid Koshelev, Ivan Nagaev hamda Ro'zim Ahmedovlar har ikki klub sharafini turli davrlarda himoya qilib, har ikki jamoa darvozasini ishg'ol etishga muvaffaq bo'lishgan. Bundan tashqari Azamat Bobojonov va San'at Shixovlar ham har ikki jamoada to'p surishga ulgurishgan.
Rasmiylar
«Dinamo» o'yingohida soat 16.00da boshlanadigan uchrashuvini toshkentlik Vladislav Tseytlin boshqarib boradi. Tseytlinga qanotlara qarshilik Artyom Kalinin va buxoroliklik Bobur Qodirovlar yordam berishadi. Qarshilik Firdavs Norsafarov esa zaxiradagi hakam vazifasini bajaradi. Nazoratchi sifatida navoiylik Shamil Jumaev qayd etilgan bo'lsa Samarqandga PFL vakili sifatida Bobur Haydarov tashrif buyuradi.
Samarqandda o'tkazilgan barcha uchrashuvlar natijalari
Bosh sahifaga
223