«Bunyodkor» bosh murabbiyi Sergey Lushchan jamoadagi muammolar haqida gapira turib, klub jamoada etakchilik qilishi mumkin bo'lgan Server Jeparov kabi futbolchini sotib ololmasligini aytdi.
«Etakchi? Agarda maydonda har uchta to'p uzatmadan keyin adashaversang, xatolarga yo'l qo'yaversang, qanday qilib etakchi bo'lasan? Etakchi bu maydonda deyarli xato qilmaydigan, jamoani o'z ortidan ergashtira oladigan futbolchi bo'ladi. Bizda bu kabi futbolchi yo'q! Adashmasam, buni uchinchi yildirki qaytaryapman. Avval Qosimov bo'lardi, ammo hozir bizda Mirjalol yo'q.
Jeparovni taklif etish kerak? Nimalar deyapsiz, uning bir oylik maoshini bizda butun jamoa oylik qilib oladi. Agarda yarim oyligi bo'lmasa...
Jeparov boy inson, u o'ziga shuni ep ko'ra oladi. Chunki u kuchli futbolchi. Buni isbotlagan va bugun topayotgan pullariga peshona terisi bilan erishgan», deya Lushchanning so'zlarini keltiradi SA.