«Bavariya» darvozaboni Manuel Noyerning jarohati kutilganidan jiddiyroq bo'lib chiqdi.
Noyer sonidan olgan jarohati sabab, Germaniya terma jamoasining Angliya va Ozarboyjonga qarshi uchrashuvlarini o'tkazib yuborgandi. shundan so'ng safga qaytgan Noyer yana oyog'ini shikastlab olgan. Buning natijasida darvozabon jarrohlik stoliga yotishi kerak bo'lgan.
«Chap oyog'imni operatsiya qildirishim kerak bo'ldi. Barchasi ajoyib o'tdi. Yendilikda tezga safga qaytishim uchun ko'proq mehnat qilishim talab yetiladi», — deb yozgan Noyer Twitter‘dagi sahifasida.
Hozircha Noyerning 1/4 finalidan o'rin olgan «Real»ga dastlabki uchrashuvda maydonga tushishi so'roq ostida qolmoqda.
Qiziqi tomoni, «Bavariya»ning mashg'ulotlarida Noyerdan keyin ikkinchi darvozabon Ulrayx ham jarohat olib safdan chiqqan. Yaqin orada bo'lib o'tadigan uchrashuvlarda myunxenliklar darvozasini uchinchi darvozabon qo'riqlashi kutilmoqda.