Ayni vaqtda «Portu» sharafini himoya qilayotgan «Real» sobiq darvozaboni Iker Kasilyas «qaymoqranglilar» sobiq ustozi Joze Mourino bilan munosabatlari haqida yana bir bor gapirib berdi.
«Men va Mourino o'rtasidagi munosabatlarga juda qiziqqan insonlar bo'lganini yaxshi bilaman. Ular men maydonda bo'lganimda hushtakbozlik qilishni yoqtirishardi. «Real»ga bo'lgan hurmatim tufayli jim yurardim va tomosha ko'rsatmasdim.
Biz Ispaniya Kubogi finaliga chiqib, «Atletiko»ni yuta olmaganmiz, lekin o'zimni mavsum oxirida biror narsaga yerishgandyek tutganman. Aks holda bu ikki inson o'rtasidagi tsirkka aylanishi va unga yana uch-to'rt nafar odam qo'shilishi mumkin yedi», deya Kasilyasning so'zlarini keltiradi Marca.
Mourino 2010-2013 yillar davomida «Real»da ishlagan. Madridliklarni so'nggi mavsumda boshqarish davomida portugaliyalik mutaxassis jamoaning bir qator yetakchilari, jumladan Kasilyas bilan kelisha olmay qolgandi. U darvozbonni jarohat olib safga qaytganidan keyin zaxira o'rindig'iga mixlab qo'ygandi.
Bosh sahifaga
203