Angliya premer-ligasining 30-turidan o'rin olgan «Arsenal» va «Manchester Siti» jamoalari uchrashuvi oldidan hozirgina yakunlangan matbuot anjumanida «shaharliklar ustozi Xosep Gvardiola ikki jamoa hujumchilarini solishtirib o'tdi.
«Serxio, Aleksisga qaraganda yaqqolroq hujumchi. Aleksis yesa ko'proq orqaroqda, ikkala qanotda o'ynaydigan futbolchi. Ammo ularning ikkalasi ham istalgan jamoani kuchaytira oladigan darajada top-futbolchilar», deya Gvardioladan iqtibos keltiradi «Manchester Siti» rasmiy tvitteri.
Eslatib o'tamiz, ikkala jamoa o'rtasidagi uchrashuv 2 aprel kuni Londonda bo'lib o'tadi.