Kirish | A'zo bo'lish

O'zbekiston chempionatining 4-turi sensatsiyalar boy o'tmoqda. Bu safar bu holat Farg'onada kuzatildi.

Farg'ona derbisida «Neftchi» «Qo'qon-1912» jamoasini qabul qildi va so'nggi uch yilda ikkinchi marta o'z uyida imkoniyatni boy berib qo'ydi.

Uchrashuvning 19-daqiqasida Filip Rayevats qo'qonliklarni hisobda oldinga olib chiqdi. Birinchi bo'limda bu ustunlik saqlanib qoldi. Ikkinchi bo'limda Sherzod Hakimov hisobni tenglashtirgandi. Biroq zaxiradan maydonga tushganiga ko'p bo'lmagan Nosir Otaqo'ziev sobiq jamoasi darvozasini ishg'ol qilib yakunda «Qo'qon»ga muhim bo'lgan uch ochkoni taqdim etdi.

Ushbu g'alabadan keyin «Qo'qon-1912» to'plagan ochkolar soni 7taga etdi va jamoa «Navbahor» bilan bir xil natija qayd etgan holda 4-o'rinni bo'lishib turibdi. «Neftchi» esa birorta uchrashuvda ham g'alaba qozona olmagan holda 2 ochko to'plagan va 15-pog'onada bormoqda.

O'zPFL, 4-tur

«Neftchi» (Farg'ona) – «Qo'qon-1912» (Qo'qon) 1:2  (0:1)

Gollar: Sherzod Hakimov (63) – Filip Rayevats (19), Nosir Otaqo'ziev (79).

«Neftchi»: O'tkir Yusupov, Sergey Kontsevoy, Umidjon Qodirov, Sherzod Hakimov, Abbosbek Maxstaliev, Terentiy Lutsevich, Husniddin G'ofurov (Otabek Isroilov, 58), Javohir Rasulov (Akram Bahriddinov, 46), Dilyorbek Ermatov, Nikita Pavlenko (Saidjon Abdujabborov, 75), Dmitriy Komarovskiy.

«Qo'qon-1912»: Aziz Ashurov, Bahodir Akramov, Jalil Kimsanov, Javohir Sidiqov (Nosir Otaqo'ziev, 74), Andrey Sidorov (Oybek Rustamov, 54), Suhrob Berdiev, Aleksandr Merzlyakov, Ibrohim Rahimov (Jamshid Hasanov, 60), Akmal Xolmurodov, Murod Xolmuhammedov, Filip Rayevats.

Ogohlantirish: Andrey Sidorov (48).

— deya xabar beradi Tribuna nashri.

Do`stlarbilan baxam ko`rish: