Oliy liga 4-turida amaldagi chempion «Lokomotiv» o'z maydonida «Olmaliq»ni qabul qilib, 5:0 hisobidagi yirik g'alabaga erishdi. Toshkentlik jamoasi safida To'xtaxo'jaev, Aliboev, Mirzaev, Masharipov hamda Bikmaev bittadan gol urishdi.
Endi «Lokomotiv» turnir jadvalida 9 ochko bilan birinchi o'rinda. Jamoa ikkinchi o'rindagi «Nasaf»ni to'plar nisbatiga ko'ra ortda qoldirmoqda.
«Buxoro» safarda «Qizilqum»ni kichik hisobda taslim etdi. O'yinning 38-daqiqasida Veytser tomonidan kiritilgan yagona gol buxoroliklar jamoasiga g'alaba keltirdi.