Oliy liga 4-turidan o'rin olgan sensatsion natija Muborakda qayd etildi. Unda «Mash'al» O'zbekistonning ko'p karra chempioni «Paxtakor»ni mag'lubiyatga uchratdi.
Uchrashuvning birinchi bo'limida gol kiritilmadi. Igor Sergeev tomonidan kiritilgan gol esa ofsayd bo'lgani uchun hisobga olinmadi. Ikkinchi bo'limni esa mehmonlar ko'tarinki ruhda o'tkazishdi. 70-daqiqada Iskandar Shoyqulovning 25 metrlar bergan zarbasini Lobanov qaytara olmadi va hisob ochildi. 80-daqiqada farq ikkita oshdi. Ikkinchi bo'limda maydonga tushirilgan Kenja To'raev hisobdagi farqni ikkitaga oshirgan bo'lsa, Humoyun Murtazoev hakam tomonidan qo'shib berilgan daqiqlarada yakuniy natijani o'rnatdi.
Shu tariqa «Paxtakor» o'z tarixida birinchi marta Muborakda yirik hisobda imkoniyatni boy berib qo'ydi. G'alabadan keyin «Mash'al» hisobidagi ochkolar soni 9taga etdi va jamoa «Nasaf» va «Dinamo» bilan bir xil ochko to'plagan holda peshqadamlardan biriga aylandi. «Paxtakor» esa 4 uchrashuvda 4 ochko to'plab 9-o'rinda bormoqda.