"Manchester Yunayted" yarim himoyachisi Xuan Mata chov qismidagi jarohat tufayli mavsumning qolgan qismini o'tkazib yuborishi mumkin, deb yozmoqda Manchester Yevening News internet-nashri.
28 yoshli ispan oxirgi mahal chovdagi og'riqdan shikoyat qilib kelgan, 30 mart kuni yesa operatsiya qilingandi. Ma'lum qilinishicha, 3 yil ichida "MYu" uchun jarohat tufayli birorta o'yin o'tkazib yubormagan Mata joriy mavsumda boshqa maydonga tushmasligi mumkin.
"MYu" Angliya chempionatining navbatdagi 30-turida " Vest Bromvich Albion" bilan uchrashadi. O'yin bugun, 1 aprelda bo'lib o'tadi.