Oliy liga 4-turidan o'rin olgan «Lokomotiv» - «Olmaliq» uchrashuvidan (5:0) keyin mezbonlar ustozi Andrey Miklyaev o'z fikrlarini bildirib o'tdi.
«Qayd etilgan natijadan mamnunmiz. Bugun o'yinimiz qovushdi va natijada birin-ketin gollar kiritishni uddaladik. Bugun barcha yaxshi harakat qildi. Yigitlar ancha mazmunli o'yin namoyish etishdi va berilgan topshiriqlarni maydonda yaxshi bajara olishdi.
Ayniqsa, Ikrom Aliboevning o'yini ancha mazmunli chiqdi. U uzoq muddatli jarohatdan so'ng safga qaytdi. Umid qilamanki, keyingi uchrashuvlarda ham mana shunday yorqin o'yinlar ko'rsatiladi.
Muhammadiev va Kapadzeda jarohat bor ekani sabab ular bugun bizga yordam bera olishmadi» - deya Miklyaevning so'zlarini keltiradi klub rasmiy sayti.