«Manchester Siti» yarimhimoyachisi Kevin de Bryuyne muxlislar tomonidan bo'ladigan tanqidlarini ko'ngliga yaqin olmasligini bildirdi.
«Aslida tanqidlar meni xavotirga solmaydi. Chunki bu bo'lib turadigan hodisa. Odamlar biz qanchalik mehnat qilishimizni yaxshi bilishmaydi. Agar sen uyingda dam olayotgan bo'lsang, buni shanba kuni o'yining borligi uchungina amalga oshirayotgan bo'lasan.
Bu ishimizning bir qismi – davolanish kurslarini o'tash, massaj olish, mashg'ulot o'tkazish, basseynda suzish kerak. Men kuniga 24 soat, haftasiga 7 kun ishlaymiz deb hisoblayman.
Hozirgi hayotimni juda yaxshi ko'raman. O'z ishim bilan shug'ullanishda davom yetaman va odamlarning nima deyayotganiga ahamiyat qaratib o'tirmayman. Internetga menga nisbatan yozilgan fikrlarni o'qisam kulgim qistaydi. Shaxsan menga tanqidlar tahdid solmaydi. Men uchun ular shunchaki navbatdagi hazil.
Menga yeng yoqadigan tarafi odamlar meni yaxshi odam sifatida bilishlari. Men hammaga hurmat bilan munosabatda bo'laman. Sen qanday odam bo'lishingdan qat'iy nazar, olamning buyuk yulduzi bo'lasanmi, yoki keng ommaga notanish kimsa bo'lasanmi, farqi yo'q, insonlarga bir xil munosabatda bo'lishing kerak», — degan De Bryuyne «Manchester Siti» rasmiy saytiga bergan intervyusida.
Bosh sahifaga
237