"Manchester Siti" bosh murabbiyi Xosep Gvardiola APLning 29-turida "Arsenal"ga qarshi kechadigan o'yin oldidan nima uchun Angliyaga kelgani haqida gapirib berdi.
"O'ylashimcha, bu yerga ingliz futbol usulini o'zgartirishga keldim, desam balandparvoz gap bo'ladi. Men bu yerga sovrin va o'yinlarni yutish uchun kelganman. Shunda odamlar bizning o'yinimizdan rozi bo'lishadi.
Venger doimo "Arsenal" tarixidagi yeng yaxshi murabbiy bo'lib qoladi. Faqatgina raqamlar bilan yemas, sovrinlar, uning merosi va ular qanday o'ynashayotganiga qarab muhokama qilish kerak. U "Arsenal"da 20 yildan beri ishlaydi va ko'plab ajoyib ishlar qilgan", – dedi Gvardiola.