«Barselona» hujumchisi Neymar Ispaniya chempionatining 29-turidan o'rin olgan «Granada»ga qarshi uchrashuvda (4:1) so'nggi golga mualliflik qildi.
Opta Sports statistika markazi bergan ma'lumotga ko'ra, bu uning kataloniyaliklar safida kiritgan 100-goli bo'ldi. Buning uchun braziliyalik hujumchiga 177ta o'yin kerak bo'ldi.
Neymar bu gollarning 70tasini o'ng, 24tasini chap oyog'ida va 6tasini boshi bilan raqiblar darvozasiga kiritgan.
Shuningdek, Neymar «ko'k-anorranglilar» safida 100ta gol urgan uchinchi braziliyalik futbolchi bo'ldi. Ungacha brazil futbolchilaridan Rivaldo (130ta gol) va Yevaristo (105) bu natijaga yerisha olishgandi.