G'uzorning «Sho'rtan» klubi bosh murabbiyi Aleksandr Volkov iste'foga chiqarildi. Bu haqda klub rasmiy sayti xabar tarqatdi.
«2 aprel, kunning ikkinchi yarmida «Sho'rtan» PFK ning G'uzordagi qarorgohida navbatdan tashqari yig'ilish o'tkazildi. Unda jamoa rahbariyati, xodimlar, murabbiylar guruhi va futbolchilar ishtirok etishdi. «Shurtan» PFK ninig 2017 yil futbol mavsumining shu kunga qadar o'tkazilgan 4 ta uchrashuvdan so'ngi 3 tasida ketma-ket mag'lubiyatga uchrab, qoniqarsiz natija ko'rsatganligi, qolaversa bundan oldin ogohlatirilganligiga qaramasdan ishni to'g'ri yo'lga qo'ya olmaganligi uchun bosh murabbiy Aleksandr Volkov iste'foga chiqarildi», deyiladi xabarda.
Bundan tashqari o'z ustida ishlamaganligi va natijada sport tayyorgarligini, jismoniy holatini pasaytirib yuborgani uchun futbolchilar Ruslan Vagapov hamda Jahongir Jiyamurodovlar bilan tuzulgan shartnoma muddatidan oldin bekor qilindi.
Shu kunga qadar jamoada texnik direktor lavozimida ishlab kelayotgan Ixtiyor Karimov «Sho'rtan»ning vaqtinchalik bosh murabbiyi vazifasini bajaruvchi etib tayinlandi.
Bosh sahifaga
105