«Manchester Siti» klubi bosh murabbiyi Xosep Gvardiola «Tottenhem»ning bir yo'la uch futbolchisini qo'lga kiritish ilinjida bo'lib turibdi.
«Shaharliklar» rahbariyati birinchi navbatda chap qanot himoyachisi Denni Rouzni jamoaga olib kelishni istamoqda. «Siti» Angliya terma jamoasi himoyachisi uchun 40 mln. funt sterling berishga tayyorligini bildirgan.
Shuningdek, o'ng qanot himoyachisi Kayl Uoker va markaziy yarimhimoyachi Dele Alli ham Gvardiolaning qiziqishlariga sabab bo'lmoqda. Uokerning transferi 60 mln, Alli yesa 85 mln funtga baholanmoqda.
Gvardiola intervyularida bu futbolchilarga bo'lgan simpatiyasini umuman yashirib o'tirmayapti. Jumladan so'nggi intervyusida u Angliya terma jamoasi haqidagi savolga javob qaytargandi:
«Ispaniya, Germaniyada va yendi bu yerda orttirayotgan tajribamdan kelib chiqib aytishim mumkinki, siz bu yerdagi yosh iqtidorga yega futbolchilarni qadriga yetmas yekansiz. Xuddi men o'z vaqtida Jerrard, Lempard, Skoulz, Kerrik va Ferdinandlar davrida ularga munosib baho bera olmaganim kabi. Ular bundan yuksakroq saviyaga ko'tarila olishi mumkin yedi.
Bu yerdagi kuzatuvchi sifatida buni tushuna olmayapman. Ular Buskets, Xabi Alonso, Xavi va Inesta darajasidagi futbolchilar yedi.
Mendan nega bularni aytayapsiz, deb so'ramoqchimisiz? Chunki sizda hozirda Uoker, Rouz, Alli, Dayer, Rahim va Stounz kabi noyob iste'dod sohiblari bor. Ularning iqtidoriga shubha bo'lishi mumkin yemas. Ammo ular yana bir qadam oldinga tashlashlari kerak», degan Gvardiola.
Bosh sahifaga
202