«Manchester Siti» hujumchisi Gabriel Jezus mashg'ulotlarga qaytdi. Bu haqda Sky Sports xabar berdi. Hozircha o'yinchi ba'zi bir cheklovlar bilan mashqlarda ishtirok yetmoqda.
19 yoshli braziliyalik forvard APLning 25 turi doirasidagi «Bornmut»ga qarshi 13 fevral kungi o'yinda (2:0) jarohat olgandi. Braziliyalik oyoq kaftidan jiddiy lat yegan hamda jarrohlik amaliyotidan o'tkazildi.
Ma'lumot uchun, hujumchi «Manchester Siti»ga qishda o'tganidan so'ng APLning to'rtta o'yinida qatnashib, uchta gol urdi va bitta golli uzatmaga mualliflik qildi.