«Granada» bosh murabbiyi Lukas Alkaras «Barselona» yarimhimoyachisi Ivan Rakitichni Ispaniya chempionatining 29-turidan o'rin olgan uchrashuvdagi harakati uchun tanqid qildi.
Rakitich «Granada» yarimhimoyachisi Andreas Pereyraga uning jamoasini Segundaga tushib ketayotganini aytgan va futbolchining o'zini «fohishaning o'g'li» deya atagan. Bu voqea telekameralarga tushgan yozuv orqali aniqlangan.
«Ispaniyaning yetakchi jamoalari futbolchilari o'zlari nimani ma'qul deb topsa, o'shani qilishadi. Rakitich hurmatsizlik qildi va buning uchun uzr so'rashi kerak yedi.
Agar yetakchi klub futblchilari bu ishni qilsa, ko'pchilik o'yindagi hissiyotlarga berilib ketishni sabab qilib ko'rsatadi. Agar bu kabi harakatni kichkinaroq klub vakili qilsa uni sharmanda qilishgacha borishadi», — deya Alkarasning so'zlarini keltiradi As.