«Roma» himoyachisi Kostas Manolas mavsum yakunlangach, oxir-oqibatda «Inter»ga o'tadigan bo'ldi. Bu haqda Telelombardia nashriga asoslanib Football Italia xabar tarqatdi.
Manbada ma'lum qilinishicha, milanliklar 25 yoshli yunon futbolchisi transferi borasida rimliklar bilan kelishib bo'lgan. Unga ko'ra, «Inter» futbolchi uchun 43 million yevro va qo'shimcha bonusilar to'laydi.
Manolasning amaldagi shartnomasi 2019 yilning yoziga qadar mo'ljallangandi. U rimliklar bilan yangi shartnoma tuzishni istamagan. Futbolchiga shuningdek, «Yuventus», «MYu», «Arsenal» va «Chelsi» klublari qiziqish bildirgan.
Italiya A seriyasining 25 uchrashuvida maydonga tushgan futbolchi bitta gol va bitta golli uzatmaga mualliflik qilgan.