«Manchester Yunayted» hujumchisi Zlatan Ibrahimovich APL 31-tur doirasidagi «Everton»ga qarshi uchrashuvda (1:1) penaltidan to'p kiritib hisobni tenglashtirdi.
Bu oktyabr oyida 35 yoshga to'lgan Ibrahimovichning o'sha davrdan boshlab urgan 12-goli bo'ldi.
Gracenote statistik akkaunti bergan ma'lumotga ko'ra, bu ko'rsatkich bo'yicha Ibra APLda faqatgina Janfranko Zolaga imkoniyatni boy bermoqda. Italiyalik futbolchi 2002/03 yilgi mavsumda 36 yoshida «Chelsi» safida 14ta gol kiritishga muvaffaq bo'lgandi.
Ibrahimovich premer-liga doirasida jami 16ta gol kiritishga muvaffaq bo'lgan.