«Manchester Siti» Angliya premer-ligasining 31-turidan o'rin olgan uchrashuvda «Chelsi»ga imkoniyatni boy berib qo'ydi (1:2).
Ikki jamoa o'rtasidagi birinchi davra uchrashuvida ham «Chelsi» raqibidan ustun (3:1) kelgandi. Natijada, Xosep Gvardiola bosh murabbiy sifatida ishlayotgan davridan boshlab ilk marta bitta mavsumda bir jamoaga ikki uchrashuvda ham imkoniyatni boy berib qo'ydi.
Bundan tashqari, Gvardiola boshqargan jamoasi bilan ilk marta bir mavsumda oltita mag'lubiyatga uchradi.