Xosep Gvardiola avval hech qachon bir chempionatda oltita o'yinda mag'lub bo'lmagandi. Kataloniyalik «Man Siti»da shaxsiy antirekord o'rnatdi.
Gvardiolaning «Manchester Siti»dagi obro'si tushib bormoqda. Kataloniyalik mutaxassis nafaqat o'z faoliyatida ilk bora ChL chorak finaliga chiqa olmadi, balki birinchi bor bir chempionat doirasida oltita o'yinda mag'lub bo'ldi. Quyida Gvardiola «Barselona» va «Bavariya»ni boshqarib turib, Primera va Bundesligada bir mavsum davomida necha bor mag'lubiyatga uchraganini yeslatib o'tamiz.
2008/09 yilgi mavsum: 5 mag'lubiyat
Gvardiola «Barselona» ustozi sifatidagi o'zining ilk mavsumida besh o'yinda imkoniyatni boy bergan. Bir yil avval yesa kataloniyaliklar Frank Raykard boshqaruvida to'qqizta o'yin mag'lub bo'lib, Primerada uchinchi o'rinni yegallashgandi. Gvardiola sovrinni yutib oldi hamda avvalgi mutaxassisga qaraganda 20 ochkoga ko'proq yig'di. Shunisi qiziqki, Pep yelitadagi o'z ishini muvaffaqiyatsizlikdan boshlagandi: «Barsa» birinchi turda «Numansiya»ga imkoniyatni boy berdi - 0:1. Keyin yesa jamoa qatorasiga 22 o'yinda mag'lub bo'lmadi va «Real»dan 10 ochkoga o'zib ketdi. Shundan keyingiga Gvardiola ikki bora mag'lub bo'ldi: «Espanol» (1:2) va «Atletiko»ga (3:4). Oxir-oqibat «Real» oradagi farqni to'rt ochkoga qadar yetkazdi, biroq finishga uch tur qolganida u sakkiztaga yetdi. 36- hamda 37-turlarda ham salbiy natija qayd yetildi, biroq bu paytda «Barsa» chempion bo'lib bo'lgandi.
2009/10 yilgi mavsum: 1 mag'lubiyat
Keyingi mavsumda «Barselona» 38 turda 99 ochko jamg'ardi. Shu bilan birga, Gvardiola jamoasi «Real»dan atigi uch ballga ko'proq jamg'ardi. «Barsa»ning mavsumdagi yagona mag'lubiyati «Atletiko» bilan o'yinga to'g'ri keldi - 2:1.
2010/11 yilgi mavsum: 2 mag'lubiyat
Yangi mavsumda ham Gvardiola ChLda g'alaba qozondi, biroq «Barsa» Primerada ham juda yaxshi o'ynadi. Kataloniyaliklar 96 ochko jamg'arib Ispaniya chempioni bo'lishdi. Mavsumdagi 2 mag'lubiyatdan birinchisi ikkinchi turda ro'y berdi - «Kamp Nou»da «Erkules» sensatsion g'alabaga yerishdi - 0:2. Yana bir omadsiz o'yin yesa San-Sebastyanda 34-turda bo'lib o'tdi: «Real Sosedad» yetakchi ustidan 2:1 hisobida g'alaba qozondi.
2011/12 yilgi mavsum: 3 mag'lubiyat
Gvardiolaning «Barselona»dagi so'nggi mavsumida jamoa chempionlik maqomini «Real»ga topshirib yubordi. 14-turda kataloniyaliklar o'z maydonida «Xetafe»ga imkoniyatni boy berdi (1:0). Keyinchalik «Osasuna» 23-turda Gvardiola jamoasini tor-mor keltirdi – 3:2. O'sha paytda «Real» bilan oradagi farq 10 ochkoga yetdi. 35-turda yesa «Real»ga o'z maydonida imkoniyat boy berildi - 1:2.
2013/14 yilgi mavsum: 2 mag'lubiyat
Gvardiolaning «Bavariya»dagi ilk mavsumida ikki mag'lubiyat qabul qilib olindi. Mavsum yakunida «Bavariya» 29-turda mehmonda «Augsburg»ga (0:1) va 30-turda o'z uyida – Dortmundning «Borussiya»siga (0:3) imkoniyatni boy berdi.
2014/15 yilgi mavsum: 5 mag'lubiyat
Pep murabbiylik faoliyatida ikkinchi bor chempionatda besh bora mag'lubiyatga uchradi. Biroq «Bavariya» baribir chempion bo'la oldi. Mavsumdagi mag'lubiyatlar «Bayer» (0:2), «Frayburg» (1:2), «Augsburg» (0:1), «Volfsburg» (4:1), Myonxengladbaxning «Borussiya»si (0:2) bilan o'yinlarda ro'y berdi.
2015/16 yilgi mavsum: 2 mag'lubiyat
Gvardiola «Bavariya» bilan ishini qatorasiga uchinchi chempionlik bilan tugatdi. 15-turda Myonxengladbaxda «Borussiya»ga 3:1 hisobida imkoniyat boy berilgan bo'lsa, 24-turda «Maynts» «Alyants-Arena»da 1:2 hisobida zafar quchdi. Shu tariqa, Gvardiola Angliyaga o'tguniga qadar 20 bora mag'lubiyatga uchragandi.
2016/17 yilgi mavsum: 6 mag'lubiyat
Chorshanba kuni kataloniyalik murabbiy «Stemford Brij»da shaxsiy antirekord o'rnatdi – chempionatdagi oltinchi mag'lubiyat. «Manchester Siti» «Chelsi»ga 1:2 hisobida imkoniyatni boy berdi hamda APL yetakchisidan 14 ochkoga ortda qolmoqda. Albatta, mavsum yakuniga sakkiz tur qolganida shuncha farqni yo'qqa chiqarish mumkin yemas. Bunga qadar Gvardiola jamoasi o'z uyida yana o'sha «Chelsi»ga (1:3), shuningdek, «Tottenhem» (0:2), «Lester» (2:4), «Liverpul» (0:1) va «Everton»ga (0:4) imkoniyatni boy berdi. Angliyada Gvardiola juda ko'p zarbalarni o'tkazib yuborib, ringga oq sochiqni tashlamaslikka o'rganishi kerak bo'lmoqda.
Bosh sahifaga
168