«Lester» hujumchisi Ahmad Musa yoqimsiz vaziyatga tushib qoldi, deb yozmoqda Daily Star nashri.
Manba bergan xabarga ko'ra, APL doirasidagi «Lester» – «Sanderlend» uchrashuvidan (2:0) so'ng Musa o'z uyida politsiya tomonidan qo'lga olingan. Qayd qilinishicha, Musa o'z xotiniga zo'ravonlik qilayotgani haqida politsiyaga xabar kelib tushgan. Ammo qo'shnilar bilan gaplashgan huquq-tartibot xodimlari nigeriyalik futbolchi haqida faqat yaxshi gaplar yeshitishgan.
Shunga qaramay, Musa ko'rsatma berish uchun mahkamaga olib borilgan. Biroq uning aybi aniqlanmagach, o'sha zahoti futbolchi qo'yib yuborilgan.