Argentina terma jamoasi bosh murabbiyi Yedgardo Bausaning termadagi faoliyati yakuniga yetib qoldi, deb yozmoqda Mundo Deportivo.
Manba bergan xabarga ko'ra, Argentina futbol assotsiatsiyasi (AFA) rahbariyati Bausani iste'foga chiqarishga qaror qilgan. AFA terma jamoa saralash bosqichida ko'rsatayotgan o'yin sifati va natijalardan norozi bo'lgan.
Hozircha Bausa bu borada rasmiy ravishda xabardor qilinmagan. Ma'lumotlarga ko'ra, bu ish kelgusi haftada amalga oshiriladi.
JCh-2018 saralash bosqichining KONMEBOL mintaqasida ortda qolgan 14 turdan keyin «albiseleste» 22 to'plagan holda 5-o'rinda bormoqda.