«Everton» hujumchisi Romelu Lukaku sobiq jamoasi «Chelsi»ga qaytishga juda yaqin turibdi. Bu haqda Sky Sport Italia jurnalisti Massimo Marianella ma'lum qilgan.
«O'ylashimcha, «Chelsi» yangi mavsum oldidan bir necha top-transferlarni amalga oshiradi. Konte jamoa Yevropa chempionlar Ligasida g'alaba qozonish uchun real da'vogar bo'lishini istamoqda.
Lukakuning «Chelsi»ga o'tish masalasi hal qilib bo'lingan. Bundan tashqari ingliz matbuotiga ishonadigan bo'lsak, Aleksis Sanches ham «ko'klar» tarkibiga kelib qo'shiladi», – degan Marianella.
Lukaku «Chelsi» tarkibida 2011/12 yilgi mavsumda to'p surgan. Keyin yesa «Vest Bromvich» va «Everton» klublariga ijaraga berilgan. 2014 yilda mersisaydliklar belgiyalik futbolchini «Chelsi»dan 28 million funt yevaziga to'liq sotib olgandi.
Joriy mavsumda 30 uchrashuvda maydonga tushgan Lukaku 21 gol va 6 golli uzatma muallifi bo'lgan.