Oliy liganing 5-turidan o'rin olgan «Sho'rtan» - «Lokomotiv» uchrashuvidan (2:0) so'ng mehmonlar ustozi Andrey Miklyaev o'z fikrlari bilan o'rtoqlashdi.
«Juda ko'plab vaziyatlarga ega bo'ldik. Raqib darvozaboni juda yaxshi o'ynadi. Futbolda «sen urmasang, senga urishadi» degan naql bor. Juda achinarli, ikkita gol o'tkazib mag'lub bo'ldik.
«Lokomotiv»ga bugun shunchaki omad etishmadi. Yigitlar harakat qilishdi, bugun «Loko»ning kuni emasdi. «Sho'rtan»ni tabriklayman, ularga g'alaba juda zarur edi.
Futbolchilarimiz raqibni mensishmadi degan fikrlarga qo'shilmayman. Maydonga tushib harakat qilishdi, ammo aytganimdek omad etishmadi», - deya Miklyaevning so'zlarini keltiradi klub matbuot xizmati.