Kirish | A'zo bo'lish

«Bunyodkor» – «Qizilqum» uchrashuvidan keyin «qaldirg'ochlar» ustozi Sergey Lushchan o'yin borasida fikrlari bilan o'rtoqlashdi.

«O'yinni yutqazdik, g'alaba qozonish uchun gol urish va darvozaga ko'proq zarba berish kerak. «Qizilqum»ni g'alaba bilan tabriklayman. Uyda o'ynagan uchrashuvlarda avvalo himoyada ehtiyotkor o'ynab, hujumda o'tkir o'ynash kerak.

Jamoa mag'lubiyatga uchrasa, murabbiy aybdor. G'alaba qozonsa futbolchilar. Bugungi mag'lubiyatni o'z bo'ynimga olaman. Biznikilar darvozaga zarba berishda uzoq o'ylab yuborishyapti

Iste'fo? Men iste'fo bermayman. Iste'foni vaziyatni o'nglay olmaydigan murabbiylar berishadi. Jamoadagi hozirgi vaziyatni o'nglashni istayman va bu qo'limdan keladi. Hali hech narsa yo'qotilgani yo'q. OChLda ham imkoniyatlarimiz bor.

Rahbariyat meni ishdan olsa boshqa gap. Agarda meni iste'foga chiqarishsa, unda ortiqcha savollarim yo'q. Lekin men o'zim iste'fo bermayman. «Bunyodkor»da meni ishdan haydamashgunlaricha ishlayveraman. Ariza yozib ishdan ketish bu eng osoni. Men joyini tashlab ketib qoladigan qiz bola emasman. Buni avval ham aytgandim. Oxirgi imkoniyatgacha ishlayman», deya Luchshanning so'zlarini keltiradi klub rasmiy sayti.

— deya xabar beradi Tribuna nashri.

Do`stlarbilan baxam ko`rish: