«Barselona» rahbariyati joriy mavsumdan so'ng hujumkor yarimhimoyachi Jerar Deulofeuni qaytarib olish imkoniyatidan foydalanishga qaror qildi. Bu haqda Mundo Deportivo nashri xabar tarqatdi.
Hozirgi vaqtda Deulofeuning transfer huquqi «Everton»ga tegishli, futbolchi ijara asosida «Milan» safida o'ynamoqda. Tomonlarning shartnomasiga ko'ra, Kataloniya klubida futbolchini 12 mln. yevro yevaziga qaytarib olish imkoniyati mavjud. Yuqorida nomi keltirilgan manba bergan ma'lumotlarga ko'ra, Ispaniyalikning joriy mavsumdagi o'yini ispan grandining ye'tiborini tortdi.
«Barselona» jamoaga yangi bosh murabbiy tayinlanmaganiga qaramay futbolchini qaytarishga qaror qilgan. Agar «Barselona» ishonch bildirayotgan mutaxassis Deulofeuni o'z tarkibida ko'rmasa, futbolchi yana transferga qo'yiladi.
Bosh sahifaga
225