O'zbekiston chempionatining 5-turidan o'rin olgan yana bir uchrashuv nihoyasiga etdi. Qo'qonda mahalliy klub mavsumni ko'tarinki ruhda boshlagan «Dinamo»ga qarshi maydonga tushdi.
Uchrashuvning 14-daqiqasida Nosir Otaqo'ziev mezbonlarni hisobda oldinga olib chiqqan bo'lsa, 48-daqiqada Filip Rayevats oradagi farqni ikkitaga oshirdi. 80-daqiqada mehmonlar bitta gol bilan javob qaytarishdi. Sardor Sulaymonov hisobni qisqartiruvchi gol muallifi bo'ldi, ammo qolganiga samarqandliklarning kuchi etmadi va jamoa ketma-ket ikkinchi uchrashuvda mag'lubiyat alamini totib ko'rishga majbur bo'ldi.
Ushbu g'alabadan keyin «Qo'qon» hisobidagi ochkolar soni 10taga etdi va jamoa chempionatda 1-o'ringa ko'tarilib oldi. «Dinamo» esa 9 ochko to'plagan holda bir yo'la uchta jamoa 2-pog'onani bo'lishib turibdi.
Oliy liga, 5-tur
«Qo'qon-1912» – «Dinamo» 2:1 (1:0)
Gollar: Nosir Otaqo'ziev (14), Filip Rayevats (48) — Sardor Sulaymonov (80).
«Qo'qon-1912»: Muzaffar Abdullaev, Bahodir Akramov, Jalil Kimsanov, Nosir Otaqo'ziev (Oybek Rustamov, 46), Javohir Sidiqov, Suhrob Berdiev, Aleksandr Merzlyakov, Ibrohim Rahimov (Andrey Sidorov, 56), Akmal Xolmurodov, Murod Xolmuhammedov, Filip Rayevats (Sobir Hamidov, 90+1)
«Dinamo»: Mixail Naumov, Mirkomil Lokaev, Bunyod Isroilov, Akmal Bozorov, Jasur Azimov, Sardor Sulaymonov, Javohir Qahramonov, Radu Rogak, Damir Nizanov (Amirjon Safarov, 53), Abdujamol Isroilov, Komil Sharofutdinov (Abdumalik Abdullaev, 50).