O'zbekiston chempionatining 5-turidan o'rin olgan yana uchta uchrashuv bo'lib o'tdi. Toshkentda «Paxtakor» «Dinamo»ni qabul qilgan bo'lsa, «Navbahor» «Mash'al» bilan kuch sinashdi.
Mavsumni muvaffaqiyatsiz boshlagan «Paxtakor» yangi bosh murabbiy bilan 5-turni boshladi va «Metallurg» ustidan g'alaba qozondi. Yagona to'pga Jasur Hakimov mualliflik qildi. Ushbu g'alabadan keyin Ravshan Haydarov shogirdlari hisobidagi ochkolar soni 7taga etdi va jamoa 7-o'rniga ko'tarilib oldi. «Metallurg» esa 3 ochko bilan 14-pog'onada qoldi.
Namanganning «Navbahor» klubi esa o'tgan turda «Paxtakor»ni yutib sensatsiya ko'rsatgan «Mash'al»ni kichik hisobda taslim etdi. Hasan Ergashev tomonidan kiritilgan yagona gol Mo'minjonov shogirdlariga navbatdagi uch ochkoni taqdim etdi. Natijada jamoa 10 ochko to'plab peshqadam «Qo'qon-1912» bilan tenglashib oldi. «Mash'al» esa 9 ochko bilan 6-o'ringa tushib ketdi.
Yana bir uchrashuvda «So'g'diyona» «Obod»ni qabul qilib, so'nggi daqiqalarda kiritilgan gol evaziga g'alaba qozondi. Endilikda jizzaxliklar hisobida 6 ochko bor va jamoa turnir jadvalida 11-o'rniga ko'tarildi. «Obod» esa 3 ochko bilan 13-pog'onada qolmoqda.
Oliy liga, 5-tur
«Paxtakor» – «Metallurg» 1:0 (1:0)
Gol: Jasur Hakimov (12).
«Paxtakor»: Aleksandr Lobanov, Vladimir Kozak, Adnan Oraxovats, Yuritsa Bulyat, Davron Hoshimov, Akbar Ismatullaev, Azim Ahmedov, Stanislav Andreev (Suhrob Nurulloev, 62), Sherzod Karimov (Xushnud Avilov, 90+1), Jamshid Iskanderov, Jasur Hakimov (Jasur Yaxshiboev, 78).
Bosh sahifaga
314