«Paxtakor» va «Metallurg» jamolari o'rtasidagi uchrashuvdan so'ng toshkentliklarning yangi bosh murabbiyi Ravshan Haydarov uchrashuv to'g'risida fikrlarini bildirib o'tdi.
«Bu uchrashuvda ijobiy natija yigitlarning ruhiy holati uchun juda muhim edi. Oxirgi mag'lubiyatlarning o'z sabablari bo'lgan. Muxlislarga doim g'alaba kerak. Jamoa buni uchrashuvdan oldin yaxshi anglab turgandi.
G'alaba qozondik, lekin hali ko'p ishlash kerakligi ko'rinib turibdi. Dastlabki 15 daqiqada namoyish qilgan harakatlarimiz ma'qul keldi. Keyin ishonchli o'ynay olmadik. Jarohatlar ham jamoaga salbiy ta'sir o'tkazgan. Asta-sekinlik bilan o'yin saviyasi va natijalarni yaxshilab boramiz.
Futbolchilarda katta bosim bor edi. Buni salbiy natijalar bilan bog'lash mumkin. Ularda o'z kuchiga ishonch yo'qolgandi. Biz shuni qaytarishga urinimiz shart edi. Birinchi bo'limning birinchi qismidagi o'yin sifati yaxshi chiqdi. Buyog'iga aynan shunday harakatlanishimiz lozim», deya Haydarovdan iqtibos keltiradi «Paxtakor» rasmiy sayti.