Germaniya chempionatining joriy mavsumida yeng yaxshi to'purar bo'lib turgan Robert Levandovski Chempionlar ligasining chorak finalida Madridning «Real» jamoasiga qarshi o'yinda maydonga tushadi.
Bundesliganing 28-turida «Bavariya»ning «Borussiya»ga qarshi o'yinida Levandovski yelkasidan kichik jarohat oldi va maydondan olindi.
«Ha, Robertning yelkasida kichik jarohat bor, ammo u chorshanba kungi o'yinga qadar tayyor bo'ladi», - degan myunxenliklar jamoasi bosh murabbiyi Karlo Anchelotti.
Germaniya chempionatining joriy mavsumida Levandovski 26 gol urishga ulgurdi. Dortmundliklar jamoasiga ikkita gol urgan 28 yoshli polshalik futbolchi dekabr oyidan buyon jamoasining uy o'yinlarida uzluksiz gol urib kelmoqda. Uning bu boradagi seriyasi 7ta o'yinga yetdi. Oxirgi bor myunxenliklar safida bunday natijani 2002 yili germaniyalik hujumchi Yelber qayd yetgandi.
«Bavariya» - «Real» jamoalari o'rtasidagi birinchi uchrashuv 12 aprel kuni «Alyants Arena» stadionida o'tkaziladi.