«Barselona» jamoasi bosh murabbiyi Luis Yenrike Ispaniya chempionatining 31-turida «Malaga»ga qarshi kechgan va 0:2 hisobidagi mag'lubiyat bilan yakunlangan o'yindan keyingi fikrlarini bildirdi.
«Bizda g'alaba qozonish uchun yetgulik ko'pgina vaziyatlar bo'ldi. Biz g'alabaga haqliroq o'ynagandik. Biz o'yin qiyin bo'lishini bilardik. Biz o'yinni yaxshi kayfiyatda boshladik, ammo «Malaga» birinchi hujumdanoq gol urib ketdi», – deya Yenrikening so'zlarini keltirgan «Barselona» matbuot xizmati.
Murabbiy Neymarning qizil kartochka olishi bilan bog'liq vaziyat yuzasidan, shuningdek, hakamlik haqidagi fikrlarini bildirib o'tgan.
«Men hisoblaymanki, o'yin qoidalarini izohlash shart yemas. Biz o'yin davomida o'zimizni bosiq tutishimiz talab yetilardi. O'yin davomida «Malaga»ning bir qancha futbolchilari bir necha marta qo'pollik uchun jazolanmay qolishdi, Neymar yesa shunchaki oyoq kiyimining bog'ichini bog'lagani uchun jazolandi… Lekin biz bunga xotirjamlik bilan qarashimiz kerak», degan u bu vaziyat xususida.
«Bizning jamoa o'yin davomida raqibni tepkilamydi, ammo bizga ko'p marta sariq kartochka ko'rsatiladi. Shunday jamoalar borki, doimiy ravishda qo'pollik qilishadi, ammo jazolanishmaydi. Bu ochiqchasiga qilinmoqda, ammo biz bunga o'rganib qoldik», degan u.
Ushbu uchrashuvdan keyin «Barselona» 69 ochkosi bilan Ispaniya chempionati turnir jadvalida ikkinchi o'rinda bormoqda. «Malaga» 33 ochko bilan 14 o'rinda. Keyingi turda, 15 aprel kuni «Barselona» o'z maydonida «Real Sosedad»ni qabul qiladi.
Bosh sahifaga
216