Kirish | A'zo bo'lish

Rossiya chempionatining 22-turida «Spartak» «Ufa» bilan o'ynadi. Ufadagi «Neftyanik» stadionida kechgan uchrashuv mehmonlar jamoasining 3:1 hisobidagi g'alabasi bilan yakunlandi. 

38-daqiqada Denis Glushakov hisobni ochdi. 61-daqiqada mezbonlar himoyachisi to'pni qo'li bilan o'ynagach, penalti belgilandi. Bu «Spartak» oxirgi 13 oy ichida ilk marta penalti tepishi bo'ldi va bu tarixiy penaltini Kuinsi Promes aniq amalga oshirdi.

O'yin oxirida Dmitriy Stotskiy mezbonlarning javob golini urdi, ammo ko'p vaqt o'tmasdan moskvaliklar yarim himoyachisi Lorenso Melgarexo o'z hisobini tabloga yozdirib qo'yib, o'yindagi yakuniy natijani o'rnatdi - 3:1.

Endilikda «Spartak» 51 ochko to'plagan holda RFPL turnir jadvalida yeng yaqin ta'qibchisi «Zenit»ni 8 ochkoga ortda qoldirmoqda. «Ufa» 32 ochkosi bilan oltinchi pog'onada joylashgan.

Rossiya chempionati

22-tur

Ufa – Spartak 1:3 (0:1, 1:2)

Gollar: 0:1 – 38 Glushakov, 0:2 – 56, penalti Promes, 1:2 – 85 Oblyakov, 1:3 – 90 Melgarexo.

Ufa – Belenov, Karp (Zaseev, 46), Alikin, Nikitin (Sysuev, 82), Jivoglyadov, Stotskiy, Vanek (Oblyakov, 56), Paurevich, Yokich, Fatai, Krotov.

Spartak – Rebrov, Tashchi, Kutepov, Djikiya, Kombarov, Zobnin, Fernando, Glushakov, Promes, Ze Luish (Melgarexo, 51), Luis Adriano (Popov, 46).

Ogohlantirishlar: Vanek (26), Nikitin (55), Stotskiy (89).



— deya xabar beradi Tribuna nashri.

Do`stlarbilan baxam ko`rish: