«Real» futbol klubi himoyachisi Pepe madridliklardan so'nggi soniyalarga qadar yana shartnoma bo'yicha taklifni kutishga tayyor yekanini xabar qildi. Uning amaldagi shartnomasi yozda o'z nihoyasiga yetadi.
«Shartnomani uzaytirish? «Real» uchun so'nggi soniyaga qadar kutishga tayyorman. Men uchun bu klubning bir qismi bo'lish katta sharaf. «Real» muxlislarini xursand qilishni xohlayman. Har doim jamoa libosini faxr bilan kiyganman. Raul kabi afsonalardan jamoaviy ruh ko'rsatishni va stadionimizga kelgan barchani hurmat qilish kerakligini o'rgandim. Oldidan meni nima kutayotganini faqat xudo biladi, sababi shartnomam 30 iyun kuni yakuniga yetadi. Ayni damda safga qaytish haqida o'ylash kerak. Ishtirok yetayotgan barcha musobaqada g'alaba qozonishga harakat qilamiz», - deya Pepening so'zlarini keltiradi Goal.