Italiya A seriyasining 31-turidan o'rin olgan uchrashuvlar yetakchilar qatorida borayotgan klublar uchun omadli keldi.
Turning markaziy uchrashuvida «Napoli» «Latsio» mehmoni bo'lib, Lorentso Insine (dubl) va Xose Kalexon tomonidan kiritilgan gollar yevaziga yirik hisobda g'alaba qozondi. Shuningdek bu turda chempionlik uchun kurashni davom yettirayotgan «Roma» ham «Jenoa» uyidan xuddi shunday natija bilan qaytdi va «Yuventus» bilan oradagi olti ochkolik farqni saqlab qoldi.
«Latsio»ning mag'lubiyatidan «Milan» unumli foydalanib qoldi. «Peskara»ni qabul qilgan Montella shogirdlari raqib darvozasini javobsiz 4 marotaba ishg'ol qilishdi. Qo'shimchasiga «Inter»ning mag'lubiyatga uchrashi, «Atalanta»ning «Sassuolo» bilan durangi «Milan»ni yana yevrokuboklar zonasi uchun kurashuvchi zonaga qaytardi.