«Barselona» Madridning «Atletiko» klubiga tegishli bo'lgan, «Alaves»da ijara asosida to'p surayotgan himoyachi Teo Yernandes uchun kurashga qo'shildi. Bu haqda As nashri xabar tarqatdi.
Manbaga ko'ra, 19 yoshli frantsuz himoyachisi «Real» bilan og'zaki kelishuvga yerishib bo'lgan. Mavsum yakunida madridliklar futbolchi uchun tovon puli 24 million yevroni to'lashga tayyor bo'lib turishibdi.
Kelishuvga ko'ra, Yernandes «Real» bilan besh yillik shartnoma imzolashi kerak va bu davrda u 35 million yevro maosh oladi: 2017/18 va 2018/19 yillarda futbolchining yillik maoshi 6 million yevroni tashkil qiladi, 2019/20 yilgi mavsumda – 7, 2020/21 yilgi mavsumda – 8 va 2021/22 yilgi mavsumda – 9 million yevro.
«Barselona» ham futbol xuddi shunga o'xshash shartnoma taklif qilgan, biroq ularning maoshi «Real» taklif qilgan mablag'dan biroz kam yekani aytilmoqda.
Bundan tashqari Teoning agenti, «Real» sobiq bosh murabbiyi Rafaelya Benitesning ham mijozi sanalgan Manuel Garsiya Kilon futbolchining Kataloniya klubiga o'tishini istamoqda. Shuningdek «Atletiko»da ham Yernandesning «Real»ga o'tishi yaxshi qabul qilinmasligi kutilmoqda.
Agar Teo Yernandes «Barselona»ga o'tadigan bo'lsa, jamoa boshqa bir futbolchisi Jordi Albani sotuvga qo'yishi mumkin.
Ma'lumot uchun Teo Yernandes Ispaniya chempionatining ortda qolgan 26 uchrashuvida ishtirok yetib, 4 golli uzatmaga mualliflik qilgan.