Osiyo Chempionlar Ligasi «A» guruhi 4-turidan o'rin olgan «Lokomotiv» – «Istiqlol» (Tehron) uchrashuvi oldidan «temiryo'lchilar» ustozi Andrey Miklyaev o'z fikrlari bilan o'rtoqlashdi.
«Ertangi o'yin qanchalik muhim yekanini yaxshi tushunib turibmiz. Guruhdan chiqish uchun yertaga faqatgina g'alaba qozonish kerak. Buni murabbiylar ham, futbolchilar ham biladi. Bellashuv biz uchun omadli kechishiga umid qilamiz. Safarda «Istiqlol»ga mag'lub bo'ldik, ammo ayta olamanki, bu jamoani mag'lubiyatga uchratish mumkin.
Futbolda omad ham kerak bo'ladi. «Sho'rtan» bilan o'yinni oladigan bo'lsak, o'sha kuni omad bizdan yuz o'girgandi. Umuman olganda, himoya chizig'idan shikoyatim yo'q, chunki ko'p gol o'tkazmayapmiz. Ba'zida tajribalar qilib, futbolchilarni almashtirib turamiz. Masalan, qaysidir o'yinda Bobur Yo'ldoshev maydonga tushsa, ba'zida Muhammad Kone o'ynaydi.
Afsuski, bo'lajak o'yin oldidan yo'qotishlar bor. Shuhrat Muhammadiev jarohatidan forig' bo'lishga ulgurmadi. Shuningdek, Samalat Qutiboevda ham jarohat bor.Muhammadiev va Qutiboev yertaga maydonga tushmaydi. Shuningdek, Temur Kapadzeda yengil jarohat bor. Uning yertangi o'yinda maydonga tushishi bugun ma'lum bo'ladi», – dedi Andrey Miklyaev.
Eslatib o'tamiz, «Lokomotiv» – «Istiqlol» uchrashuvi yertaga, 11 aprel kuni «Lokomotiv» stadionida bo'lib o'tadi. Uchrashuv soat 16:00 da start olishi rejalashtirilgan.
Bosh sahifaga
130