«Bavariya» hujumchisi Robert Levandovski ketma-ket ikkinchi marta jamoaning mashg'ulotlarini o'tkazib yubordi. Bu haqda As nashri xabar tarqatdi.
Futbolchi Dortmundning «Borussiya» klubiga qarshi uchrashuvida (4:1) yelkasidan yengil jarohat olgandi. Jarohatga qaramay uning madridliklarga qarshi uchrashuvga qadar tayyor bo'lishi ma'lum qilingandi. Biroq ikkinchi kundirki u mashg'ulotlarda ishtirok yetmadi va faqatgina zalda tiklanish mashqlari bilan shug'ullandi.
Yuqorida nomi keltirilgan manbaga ko'ra, Manuel Noyer oyog'ini operatsiya qilganidan so'ng to'liq tiklangan. U jamoa mashg'ulotlariga qaytgan va boshqa darvozabonlar bilan birga to'laqonli mashqlarni bajarmoqda.
Eslatib o'tamiz, «Bavariya» chorshanba, 12 aprel kuni «Real»ga qarshi YeChL chorak finalining dastlabki uchrashuvida maydonga tushadi. Uchrashuvning italiyalik Nikola Ritstsoli boshchiligidagi hakamlar brigadasi boshqarib boradi.