Futbol bo'yicha Argentina terma jamoasi bosh murabbiyi Yedgardo Bausa iste'foga chiqarildi. Bu haqda Argentina futbol assotsiatsiyasi rahbari Klaudio Tapiya ma'lum qildi, deb xabar bermoqda Fox Sports.
"Biz Yedgardo Bausa bundan buyon futbol bo'yicha Argentina terma jamoasi bosh murabbiyi yemasligini tasdiqlaymiz", - dedi Tapiya.
2016 yilning avgustida mutaxassis bu lavozimda Amerika kubogi finalidagi mag'lubiyatdan so'ng ishdan ketgan Xerardo Martino o'rnini yegallagandi. Avvalroq Bausa Braziliyaning "San-Paulu", Argentinaning "San-Lorenso" va boshqa jamoalarni boshqargan. O'z murabbiylik faoliyatida ikki bora Libertadores kubogida zafar quchgan ("LDU Kito" – 2008 va "San-Lorenso" - 2014).
59 yoshli mutaxassis qo'l ostida argentinaliklar JCh 2018 saralashida sakkiz o'yin o'tkazdi, ularda uchta g'alaba, uch mag'lubiyat va ikki durang natija qayd yetildi. Argentina saralash turnir jadvalida 14 o'yinda 22 ochko jamg'argan holda beshinchi o'rinni yegallab turibdi.