«Arsenal» hujumchisi Aleksis Sanches yozda Angliyaning boshqa bir jamoasi «Manchester Siti»ga o'tishga yaqin turibdi. Bu haqda Goal.com internet-nashri xabar tarqatdi.
Manbaga ko'ra, Sanches «Chelsi», «Manchester Yunayted» va «PSJ» jamoalaridan katta qiziqish bo'lishiga qaramasdan, aynan «Siti» safiga borib qo'shilishni istamoqda.
Qayd qilinishicha, Sanchesga birinchi bo'lib «Manchester Yunayted» bosh murabbiyi Joze Mourino aloqaga chiqqan, biroq keyinchalik Xosep Gvardiola ham uni o'z jamoasiga taklif qilgach, Sanches Mourinoga rad javobini bergan va «Manchester Siti»ga o'tmoqchi yekanini bildirgan.
«Chelsi» ham futbolchini o'z safiga qo'shib olishni istamoqda, biroq «Arsenal» uni Londondagi ashaddiy raqibiga sotishni istamayapti. «Arsenal» futbolchini sotgan taqdirda, imkon qadar uni Angliyadan tashqariga, jumladan «PSJ»ga sotishni rejalashtirgan, biroq Sanches Angliyada qolishni ma'qul ko'rgan.
Agar «Arsenal» futbolchini sotishni istamasa, 2018 yilda chililik vingerning klub bilan shartnomasi tugaydi va jamoa uni tekinga qo'yib yuborishiga to'g'ri keladi.
Eslatib o'tamiz, oldinroq «Manchester Siti» Sanches uchun 50 mln. funt to'lashga tayyor yekanini ma'lum qilgandi.
Bosh sahifaga
160