«Manchester Yunayted» bosh murabbiyi Joze Mourino «Bavariya» transfer siyosatini tanqid qildi. Portugaliyalik mutaxassisning tanqidi myunxenliklarning 19 yoshli portugaliyalik yarimhimoyachi Renatu Sansheshni xaridi qilishiga qaratildi. Sanshesh «Bavariya» tarkibida yetarli o'yin amaliyotiga yega bo'lmay kelmoqda.
«Yosh futbolchilar o'ynashi va o'sishi kerak. Yetakchi klublar bir vaqtning o'zida katta g'alabalarga intilishadi va bu yoshlarning o'sishiga to'sqinlik qilib qoladi. Bunday futbolchilar o'zlari o'sishi mumkin bo'lgan klubda o'ynashi kerak. Ular katta bosimga duch kelmasliklari lozim.
Sanshesh Portugaliya terma jamoasi safida Yevropa chempioni bo'ldi va «Bavariya»ga o'tdi. Yendilikda u klubda hech qanday vazifani bajarmayapti» - deya Mourinoning so'zlarini keltiradi Manchester Yevening News.
Sanshesh joriy mavsum oldidan «Benfika»dan «Bavariya»ga 35 mln. yevaziga xarid qilingandi. O'shanda «Manchester Yunayted» so'nggi kunlargacha futbolchini sotib olishga uringan, lekin oxir-oqibatda Sanshesh Germaniya chempioni safiga borib qo'shilishni ma'qul ko'rgandi.
Futbolchi ushbu mavsum Bundesliganing 15 ta uchrashuvida maydonga tushdi. Shularning faqat 5tasi u o'yinni asosiy tarkibda boshlagan va hech qanday samarali harakatni amalga oshirmagan.
Bosh sahifaga
326