OChL 4-turi doirasidagi «Lokomotiv» - «Istiqlol» uchrashuvidan (1:1) keyin «Istiqlol» bosh murabbiyi Alirizo Mansuriyon o'z fikrlarini bildirib o'tdi.
«Bugun qiziqarli bahs guvohiga aylandik. Dastlabki 30 daqiqada raqib kuchli o'ynadi va gol urdi. Ikkinchi bo'limda o'zimizga keldik. O'yin so'nggida «Lokomotiv»dan ustunroq o'ynadik. Hattoki yutib ketishimiz ham mumkin yedi. Ammo jarima to'pidan keyingi zarba darvoza to'siniga tegib qaytdi. Bundan tashqari raqibda ham imkoniyat bo'ldi.
Bizda o'yinga tayyorgarlik, xususan standart vaziyatlar ustida tayyorgarlik yaxshi bo'ldi. Ammo ko'p vaziyatda omadimiz kelmadi. Bundan tashqari ikkinchi gol o'tkazmaslik uchun yehtiyot bo'lib o'ynadik.
Ikki ochko yo'qotdikmi? Murakkab savol. Menda bu savolga aniq javob yo'q. Sababi o'yinning ba'zi qismiga qarab, ikki ochko yo'qotdik, ba'zi qismiga qarab yesa bir ochko qo'lga kiritdik deyish mumkin. Bugun ikkala jamoa ham yutib ketishi mumkin yedi.
Bu guruh OChL musobaqasidagi yeng qiyin guruhlaridan biri. Chunki barcha jamoalarda keyingi bosqichga chiqish imkoniyati saqlanib qolgan. Meni fikrimcha barcha masala so'nggi turda hal bo'ladi. Jamoalar o'rtasidagi saviya deyarli bir xil», deya gapirib o'tgan Mansuriyon.