«Bavariya» hujumchisi Robert Levandovski Yevropa chempionlar ligasining 1/4 finalidan o'rin olgan «Real»ga qarshi uchrashuvni o'tkazib yuboradi. Bu haqda Sport Bild nashri xabar tarqatdi.
Manbaga ko'ra, 28 yoshli polshalik hujumchi «Borussiya»ga qarshi uchrashuvda (4:1) yelkasidan olgan jarohatidan tiklanishga ulgurmagan.
Kecha Levandovski umumiy guruh bilan faqatgina 20 daqiqa mobaynida shug'ullana olgan xolos. O'shanda jamoa bosh murabbiyi Karlo Anchelotti uning maydonga tushish-tushmasligiga o'yin kuni aniqlik kiritilishini ta'kidlab o'tgandi.
Levandovski Madridda 18 aprel kuni bo'lib o'tadigan uchrashuvgacha to'liq tiklanib safga qaytishi kutilmoqda.