«Liverpul» klubining sobiq sardori Stiven Jerrard yangi mavsumdan boshlab mersisaydliklar yoshlar jamoalaridan birida bosh murabbiy sifatida ish boshlaydi. Bu haqda asosiy klub bosh murabbiyi Yurgen Klopp ma'lumot bergan.
Oldinroq Sky Sports bergan xabarga ko'ra, Jerrard kelgusi mavsumdan boshlab «Liverpul» U18 jamoasi bosh murabbiyi sifatida ish boshlashi kerak bo'ladi.
«Ha, kelgusi mavsumdan boshlab yoshlar jamoamizda bosh murabbiy bo'lib ishlaydi. Bunga deyarli ishonchim komil», — deya Kloppning so'zlarini keltiradi Yahoo Sports.
Shu bilan birga Klopp Jerrardning aynan qaysi yosh toifasidagi jamoada ish boshlashini aytib o'tmagan.
Eslatib o'tamiz, Jerrard dekabrda futbolchilik faoliyatini yakunlash haqida ye'lon qilgan va shundan so'ng «Liverpul» akademiyasida ish boshlagandi.
Bosh sahifaga
252