«Manchester Siti» bosh murabbiyi Xosep Gvardiola Yevropa chempionlar ligasining 1/4 finalidan o'rin olgan «Borussiya» – «Monako» uchrashuvi arafasida Dortmundda sodir bo'lgan terakt haqida fikr bildirdi.
«Dunyoda sodir bo'layotgan voqealar meni biroz qo'rquvga soladi. U borgan sari yanada aqlbovar qilmas bo'lib bormoqda.
Suriyadagi voqealar... Umid qilamanki, AQSh, Rossiya va Xitoy kelishib bu qiyin vaziyatdan chiqib ketshi yo'lini topishadi. Agar bu to'xtatilmasa, bularning barchasi nima bilan tugashi noma'lum.
Dunyo hech qanday xavotirlarsiz yashashi kerak. Mark Bartraga tezroq sog'ayib ketishini tilayman», — deya Gvardiolaning so'zlarini keltiradi Marca.