Olti marotaba Olimpiada o'yinlarida va 11 bor jahon chempionatida g'oliblikka erishgan yamaykalik sprinter Useyn Bolt 2016 yil Rio-de-Janeyro shahri (Braziliya)da o'tkaziladigan Olimpiada o'yinlaridan so'ng sportchi sifatida faoliyatini yakunlashini ma'lum qildi.
“Shubhasiz, Rio o'yinlari men uchun so'nggisi bo'ladi. Menga keyingi to'rt yil ichida motivatsiyani saqlab turish juda mushkul. Rio Olimpiadasida eng katta maqsadim yana uchta oltin medalni qo'lga kiritish”, - dedi Bolt.
Eslatib o'tamiz, avvalroq Useyn Bolt sportdagi faoliyatini 2017 yilgi jahon chempionatidan so'ng tugatishini, biroz o'tib esa faoliyatini 2020 yilgi Olimpiada o'yinlariga qadar davom ettira olishini bildirgan edi.
Shavkat Jalilov
O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.