"Manchester Siti" klubi darvozaboni Jo Xart "Manchester Yunayted" klubiga qarshi o'yinda jarohat olib safdan chiqqandi. Dastlabki ma'lumotlarga ko'ra, Angliya terma jamoasi posboni bir oyga safdan chiqqani aytib o'tilgandi. Ammo shifokorlar Xartni yana bir bor tekshiruvdan o'tkazishganidan keyin darvozabonning jarohati u qadar jiddiy emasligi oydinlashdi. Endilikda u Evropa Chempionlar ligasi 1/4 finalidan o'rin olgan "PSJ"ga qarshi o'yingacha safga qaytishi kutilmoqda.
— deya xabar beradi uff.uz nashri.